انا عايزة ايه ؟

مش عارفة انا عايزة ايه
عايزة احب واتحب واعيش فى قصة جنان
ولا عايزة اعيش لوحدى من غير حبيب ولا حتى حنان

يمكن نفسى احب واعيش فى قصة حب وهمية
كل الناس تحكى عليها وعلى حب حبيبى ليا
تكون نظرة عينيه لعينيا كلها حب وحنية
ويكون حبى وخوفى عليه باين فى نظرة عينيا
واشتاق اليه لو غاب عن عينى ثانية
واحس بلمسة ايديه وكأنها حضنة قوية

ولا يمكن عايزة اكون وحيدة
اكون عايشة لنفسى وحبيبى هو قلبى
احكيله ويحكيلى واشكيله همى وحيرتى
ويوم ما اكون فرحانة اقوله واشاركه فرحتى
ليه يكون الحبيب انسان ليه ما يكونش قلبى اللى كله امان
قلبى اللى هو منى هيخاف عليا منى واحساسه مش كذاب
لكن الانسان الله اعلم هيكون صادق ولا ملوش امان
يمكن عايزة اخاف عليا وعلى اقرب الناس لقلبى
من غير حبيب يخنقنى ويقولى روحى وتعالى ياقلبى

مش عارفة انا عايزة ايه
عايزة احب واتحب واعيش قصة جنان
ولا عايزة اعيش لوحدى من غير حبيب ولا حتى حنان