قول رأيك فى الدكاتره ..............

أنا قرأت الموضوع ولقيته جميل وأنا من رأيى إن الدكاتره بتوع إنجليزى بنسبه كبيره بيشرحه عن دكاترة الأقسام التانيه فمثلا نبدأ برئيسة القسم الدكتورة أسماء هيه فعلا دكتوره بتعامل ضميرها ومبتنحز لحد وإنتم طبعا عارفين قاصدى إيه ، والدكتور إسلام دكتور محترم جدا وفعلا مادته تقيله قوى بس هو بيشرح كويس ، وطبعا الدكتور على أنا متهيقلى إنه صديق الطلبة ،نيجى للدكتور محسن وطبعا كلنا عارفين الدكتور محسن وإن مادته متهيقلى إنها مادة للدراسة المنزلية بدون مساعدة أحد وكلنا فاهمين قصدى إيه

والله يا جماعا لنل متفق معاكم في الرأي ده عن دكاتره القسم

حاتم نجاح

والله انت عسل ياد يا مدير وكلامك صح الصح بس انا مرعوب لانى تقريبا محضرتش محاضرات خالص وكنت عاوز منك المقرر اللى علينا واهمها تاريخ الادب

لا منستش يا شهوده والله انا حتى عامله موضوع مخصوص باسمه وهو فى الاعلانات على الصفحه الرئيسيه لو عاوزه تشوفيه دا حبيبى وحبيب الملايين وصديق الطلبه انساه ازاى بس

انا بصراحة ياجماعة فى سنة 3 اجتماع بس كنت باخد انجليزى ترم واحد فى السنه وكان عندى الدكتور محسن جبر سنة اولى بس بجد على راى مدير المنتدى مش بيشرح كويس وتقريبا لا وغير مدة التقديرات مكنتش مزبوطة انما الدكتور على مصطفى ماشاء الله شرحه جميل جدا وجبت فى ماده جيد وان شاء الله ربنا يوفقكم فى قسم الانجلش وتجيبوا تقديرات عاليه

الموضوع حلو اوى انا رايى ان افضل 3 دكاترة دكتور اسلام ودكتورة سوزان الرفاعى وطبعا دكتور حمدى و سورى فى اللفظ ارخم دكاترة دكتور محسن ودكتورة سوزى وطبعا ارخمهم فى نظرى دكتورة اسماء الشربينى وعلى فكرة عندنا دكتورة جديدة السنة دى اسمها بسمة كانت معيدة السنة اللى فاتت عسل اوى و شرحها جميل اوى بس هى بتدى تالتة و رابعة بس [ندعوك للتسجيل في المنتدى أو التعريف بنفسك لمعاينة هذه الصورة]

انا عايزة اقوللكم حاجة يا اصحابي انا متفقة معاكم في كلامكم بس ياربت ما تحكمويش دلوقتي علي الدكاترة لا بعد متدخلوا سنة تانية انا بوجة كلامي لسنة اولي
اما بالنسبة للباقي الفرق فانا بقولكم ان دكاترتنا بما فيهم الوحش و الحلو فهم احسن من غيرهم في باقي الجامعات لاني بسمع كتير عن دكاترة اداب في جامعات تانية كل الدفعة بتنجح بمقبول و القليل اللي بيجيب تقديرو الدكاترة اللي انتم شايفنهم صعبين و ما بتفهمويش منهم او موادهم للمزكاترة المنزل فانا هقول حاجة بسيطة لازم تحضروا المحاضرات علشان شوية الكلام اللي بيقولوا هو اللي بيبقي مطلوب انو يتكتب في الامتحان لانها بتبقي زي keywordالدكتور بيعرف اللي حضر من اللي محضريش منها و حاجة كمان احب اقولها ان الدكاترة اللي من النوعية دي كانوا بيدرسوا براة في جامعات امريكية و اروربية علشان كدة بيتوقعوا انو الطالب اللي قدامهم متفهم و هيكمل بحث عن الموضوع مش هيتشرحلوا فقرة فقرة زاي نظام ثانوي و كمان ان طبيعة المادة عايزة ان الدكتور يخلصها بسرعة و يبدا في مسرحية او رواية تانية علي فكرة مادة الدراما او الرواية ثابتين في نقط معينة زي الtheme, plot, characters, images, techinques, period of this work i mean the century....etc.
يعني الموضوع مش مستاهل غير انك تاخد فكرة عن المسرحية او الرواية و دة اللي الدكتور بيعملوا علشان دارس الادب لازم علي لاقل ياخد اكتر من 6 مسرحيات انتم عارفين انو في عين شمس زينا بالضبط يعني احنا مش لوحدنا و كمان انا في سنة تانية خدت 12 مسرحية في الترم الاول يعني لسة طالعين من سنة اولي و لسة خايفيين بس و اللة كانت مفيدة لينا بجد و الحمد للة عدت و الكل جاب تقدير و دة بفضل اللة و بفضل حضورا المحاضرات حتي لو كان الدكتور غلس و مش بتفهم منة ادي لنفسك فرصة او اديلوا فرصة يمكن في محضرة تفهم منة اة يقول ال quotation دة هيجي في الامتحان اعمل اللي عليك و الباقي علي ربنا و يارت نحضر و بركز علي كدة لان الدكترة بيعرفوا مين اللي حضر من اللي ما حضريش بجد مش هزار و عن تجربة
وربنا يوفقك كل الطلابة في قسم انجليش
و علي فكرة احنا احسن قسم في الكلية
و احسن دكاترة هم بتوع انجليش
و ياريت اكون قدرت اوصلكم اللي انا عايزة اقوللة
و اسفة علي الاطالة

و الله انتم كلكم عندكم حق في رأيكم عن الدكاترة د/سوزي و د/حمدي و د/اسماء و د/علي و د/منى و د/اسلام و طبعا د/محسن
بصراحة كده
مادة د/سوزي صعبة شوية
و د/محسن طبعا
انا محضرتش الا محاضرة واحدة له بس اللي كان مضايقني انه وقف الصبيان وقعد البنات
ده ظلم
يعني يوقفنا
و كمان منفهمش حاجة من اللي بيقوله
ههههههههههههههه
و د/حمدي
ده احسن دكتور لحد دلوقتي بصراحة يعني