العضو Yosri وقع خلاص روحوا بقى بهدلوه

اكيد لازم يتمرمط
ههههههههههههههه[b]

انا طبعا ذى اختكوا الكبيرة وهسال اسئلة بسيطة جدا
اولا/اسمك
ثانيا/السن والعنوان
ثالثا/اكتر شى عجبك فى المنتدى
رابعا/اكتر عضو تتمنى تشوفه
كفايه عليك كدة انهاردة

بص دول علشان خاطر المدير واحنا رطبعا مبنكسرش كلمه ليه
9- اخر مرة عملت حاجة غصب عنك؟؟؟

1- امتى حسيت انك فخور من نفسك؟

2-مين اقرب شخص ليك؟

3- انت قريب من ممتك والا باباك اكتر؟

4- ايه هى احلامك؟

5- كان نفسك تدخل كليه ايه؟

6- مين الشخص اللى بتحس نفسك ضعيف امامه؟

7- الناس شا يفينك ازاى ؟

8- ايه اكتر يوزم حلو فى حياتك ؟

9- ايه اكتر يوم وحش فى حياتك ؟

10- ايه اكتر حيوان بتخاف منه؟

11-اكتر موقف محرج حصلك؟احكى عنه وقول اتصرفت ازاى ؟

12-حد ماتقدرش ترفضله طلب ؟الاسم وليه؟

كفايه كده تقلنا عليك

ايه يا سموووووووووره انتي خلصتي كل الاسئله

[ندعوك للتسجيل في المنتدى أو التعريف بنفسك لمعاينة هذه الصورة]

طبعا انا اسمى محمد يسرى فتوح
السن 18 سنه
السنه الدراسيه 2 اداب انجلش
العنوان : المنصورة شارع النخله
اكتر حاجه عجبانى فى المنتدى : الحقيقه الفكره بتاعته اللى جمعت اكبر عدد ممكن ان شاء الله قابل للزياده من الاعضاء سواء انجلش او اى قسم تانى او حته اى كليه تانيه
والله انا اتمنى اشوف كل الاعضاء اللى موجودين خصوصا حبايبى وزمايلى فى قسم انجلش
وده كان رد على المشرفه سلمى
وشكرا سلمى على الاسئله

بصى ياسموووورا عشان خاطر اسلام المانجر حبيبنا انا برضه هرد عليكى
اول مره احس فيها انى فخور بنفسى بجد لما جبت مجموع قوى فى تالته ثانوى خصوصا ان انا كنت جايب 78فى المائه فى تانيه ومفيش داعى اقول مجموعى فى تالته بس كان كبير الحمد لله حسيت ان انا راسى مرفوعه امام الناس كلها
اقرب شخص ليا والدتى
جايز انا رضيت فى السؤال السابق ان والدتى من اقرب الناس اللى انا مرتبط بيهم فى حياتى لكن اكيد والدى بتناقش معاه وبشكل كبير فى مواضيع كتيره زى السياسه الكوره غيره وواكيد مرتبط بيه جدا محدش بيستغنى عن اى حد من دول
والله هو سؤال صعب كلنا ضعاف امام الله ربنا سبحانه وتعالى اللى مفيش حد قوى الا هو جل جلاله
احلامى انى اصبح من الناس اللى بتشتغل فى مجال الرياضه وخاصة كرة القدم ليس مدرب قطعا ولكن اعلامى مزيع معد برامج معلق .....صحفى فى مجال الرياضه ......
كان امنية حياتى اخش كلية اعلام ولكن للاسف حتى اتخزت قرار خاطىء بعدم دخولى اداب قسم اعلام ولكن الحمدلله ربنا اللى بيختار مش احنا
الحمد لله انا ليا اصدقاء كتير لكن الناس شايفنى ازاى والله دى حاجه ترجع ليهم مش ليا ابدا
واتمنى ان الناس كلها تكون شايفانى متواضع فى كل شىء
اكتر يوم حلو فى حياتى اول يوم العيد سواء الاضحى او الفطر
اكتر يوم وحش هزيمة مصر من الجزائر فى السودان
اكيد طبعا الاسد والنمر وعلى فكره بخاف من .......... بلاش اقول
اكتر موقف محرج حصلى السنه دى ..دكتور حسنى لبده احرجنى بسبب ان انا كنت بضحك فأحرجنى شويه امام 100 طالب وطالبه .. اتصرفت بالصمت
مقدرش ارفض طلب لامى وابويا
ليه دى بقى تجيب عنها الفطره شكرا على الاسئله

شكرا زهرة اللاوند
على الاسئله واناهردد عليكى
اعز صديق ليا السيد حسن وده صديقى وبنشترك فى كل حاجه
اكتر حاجه تبكينى لاقدر الله ولا يكون ليا وللجميع عدم النجاح
سواء فى الدراسه او اى مجال تانى
عضو احترمه جدا واقدره وبكنله كل حب واحترام محمد فلفل
حلم مقدرتش احققه ان انا اصبح لاعب كرة قدم والحمد لله
انا وبلا فخر واعوز بالله من كلمة انا بحب الناس كلها ومبحبش ازعل حد منى تماما وبس
لان محدش بيشكر فى نفسه الا ابليس
وشكرا زهرة اللاوند

ربنا يكرمك يا محمد فلفل ياحبيب قلبى
والله انا عارف ان الشعور متبادل
لكن انا والله فعلا بكنكلك كل احترام
وفعلا زى مانت ماقولت ان شاء الله
كلنا نقدر نحقق كل حاجه
ان شاء الله فى حياتنا بأزن الرحمن
لكن انا بس كنت بقول ان انا كان نفسى ابقى لاعب كورة
لكن ربنا مأردتش
والحمد لله على كل شىء
وبالنسبه للسؤال بقى
انا نفسى طبعا انجح السنه دى مفيش شك ربنا يكتب النجاح لكل اللى زينا ان شاء الله
ونفسى السنه دى برضه
ان ربنا يفرح الشعب المصر كله ونكسب كأس الامم الافريقيه فى انجولا فى شهر يتاير اللى جاى بإذن الله

ربنا معاك يحققلك كل امانيك يا ميدو يا حبيب قلبي

[ندعوك للتسجيل في المنتدى أو التعريف بنفسك لمعاينة هذه الصورة]