بداية يدخل المكان
احمد : ايمان
ايمان : احمد ازيك
احمد : ازيك ....هوة دة كل اللى انتى عايزة تقولية
ايمان : اقولة ........عايزنى اقوللك اية
احمد : اللى انتى حسّاه
ايمان : انا .......انت ...... فجأة اختفيت ........وفجأة رجعت ........مش عارفة
احمد : مش عارفة والا مش عايزة
ايمان : لا ........ خايفة
احمد : خايفة........! من اية ؟! ولية ؟!
ايمان : مش دايما اللى بيسافر هوة نفسة اللى بيرجع
احمد : واية اللى بيتغير ؟
ايمان : كلامة ............تفكيرة .........مشاعرة ..........وانت سافرت
احمد : بس رجعت
ايمان : ايوة رجعت.... رجعت بعد مااخدت معاك وانت ماشى كل حاجة..... خدت قلبى .. وعقلى وروحى
احمد : واه انا اهة رجعت
ايمان : بس انا مش لاقية اللى ضاع منى
احمد : واحنا سوا هنلاقية
ايمان : اتعودت انى اعيش من غيرهم
احمد : انتى لية خايفة نرجع
ايمان : علشان خايفة ......خايفة خايفة ان هنا يبقى مجرد ذكرى بالنسبة لك او واجب بتقضية وخلاص وهناك يبقى اصلك ومكانك
احمد : انتى شايفة كدة!
ايمان : انا مش عارفة اصدق اى حاجة... مش عارفة احدد اى حاجة ....او انى مجرد افهم حاجة
احمد : صدقى قلبك
ايمان : قلبى ..........قلبى بحاول اكدبة
احمد : طب لية ؟
ايمان : علشان بيقولى انك راجع علشانى ...بيقول انك هتفضل معايا .....وانك راجع تعوضنى اللى فات.... بيقولى انك جاى ترجعلى اللى انت اخدتة منى وانت ماشى
احمد : صدقية يا ايمان
ايمان : صدقنى انت انا مش عارفة اصدق حاجة
احمد : لية؟
ايمان : فجأة كل حاجة ضاعت ....وفجأة كلها رجعت.... حاسة ان عقلى وقف...... وان قلبى مش قادر يفكر
احمد : زمان كان قلبك بيحس وبس مش بيفكر
ايمان : انت اللى حرمتة من مجرد الاحساس مش انت اللى اخدت معاك الاحساس وسبتة مش لاقى حاجة يعملها غير انة يفكر وبس
احمد : ايمان انتى فى حد فى حياتك ؟!
ايمان : حد فى حياتى!
احمد : انتى حبيتى حد تانى؟!
ايمان : حبيت حد تانى! انت اخدت معاك الحب كلة ومشيت وانت مطمن انة لو حتى حد فكر انة يدخل حياتى مش هلاقى حاجة اديهالة لا احساس ولا مشاعر
احمد : ايمان انتى عملتى اية ف ال3 سنين الى فاتو؟
ايمان : عايز تعرف عملت اية فضلت ابكى بعد مانت مشيت ومن يومها حلفت انى مابكيش تانى ولا ان حد يدخل قلبى تانى او انى اثق فى حد
احمد : انا كمان اتعذبت فى بعدى عنك
ايمان : اتعذبت تعرف انت اية عن العذاب .....تعرف احساس انك تفقد الثقة فى اى حد حتى نفسك..... تعرف احساس وانت عايش وسط الناس وانت متوقع فى اى وقت ان حد هيبيعك ويخونك...... تعرف احساس انك تنام وعنيك مفتوحة خايف للضربة تيجى من اختك او اخوك
احمد : ياة للدرجة دى؟!
ايمان : وجاى دلوقت تقولى انك جاى ترجعلى احساسى طب ازاى؟!
احمد : ولية لا
ايمان : لانى مش هقدر اعيش باحساس تانى نسيت يعنى اية حب نسيت يعنى اية ثقة عايزنى ووبساطة ارجع اثق فى الناس تانى طب ازاى
احمد : ايمان انتى لسة بتثقى فية ؟
احمد : انتى ساكتة لية ؟
ايمان : عايزنى اقولك اية ؟
احمد : قولى اى حاجة قولى انك لسة بتحبينى
ايمان : للاسف ياكابتن انا حتى نسيت يعنى اية حب
احمد : يعنى اية ؟
ايمان : يعنى انا مبقتش عارفة غير انى اكرة وبس
احمد : يعنى انتى .........
ايمان : ايوة ياكابتن بكرهك انت اكتر واحد كرهتة فى حياتى
احمد : انتى بتكدبى علية صح ؟
ايمان : للاسف ياكابتن لا انا فعلا بكرهك ال3 سنين الى فاتو علمونى ازاى اكرة واول ما كرهت كرهتك انت
(يلمح صورتى فى اطار موضوع على المكتب )
ايمان : متفكرش انى بكدب عليك صورتك دى انا حطاها جمبى علشان بتعلم منها
احمد : بتتعلمى منها
ايمان : ايوة بتعلم منها بتعلم منها ازاى اكدب ازاى ازيف الحقيقة ازاى اعمل اى حاجة وفعلا اتعلمت واتعلمت كتييير اوى ياكابتن
احمد : مش ممن تكونى انتى ايمان اللى حبتها
ايمان : قلتلك ان اللى بيسافر مش ببقى نفس اللى بيرجع
احمد : انا اكيد فى كابوس
ايمان : للاسف ياكابتن انت فى حقيقة بس لاول مرة فى حياتك بتواجهها مش بتهرب منها
احمد : بس انا رجعت علشانك
ايمان : سافر تانى ياكابتن كمل رحلاتك لف العالم وارجع عيش زى ماكنت
احمد : بس اللى كان مصبرنى انى كنت عارف انى راجعلك
ايمان : وانا كنت مستنية رجوعك بفارغ الصبر عشان اقولك انى بكرهك
احمد : انتى اتغيرتى اوى
ايمان : اوع وانت بتفكر بينك وبين نفسك انك تحس بالشفقة علية لا ياكابتن انت زعلان علشان ملقتش الضعيفة المسكينة اللى انت سبتها وسافرت زعلان علشان لقيت حد ند ليك يقدر يوقفك عند حدك ودلوقت ياكابتن تقدرتتفضل احسن الرحلة تفوتك
الوداع ياكابتن
(وتلقى الصورة فى صندوق القمامة قائلة الوادع يا من كنت احب )
written by /
karmen
"To fear love is to fear life, and those who fear life are already three parts dead."
--Bertrand Russell