The Butterfly of the forum is in admit chair now

انتى بقى كده؟؟؟؟؟ طييييييب الحد الأدنى لأسئلة كل عضو يا جماعه 150 سؤال لا يقلوا سؤال واحد
ويخصم من كرسى الاعتراف كوب العصير

يلا بقى ورينا يا فراشه

هههههههههههههههههه
زهرة كانت اوى خايفة من الموضوع ده
بس يالا نصيبك ولازم تتقبليه
وانا هستفتح الاسئلة معاكى وححاول تكون سهلة وبسيطة عشان خاطرك


اولا/ايه اكتر شى عجبك من المنتدى؟
ثانيا/اكتر اعضاء بتحبيهم ومين ال بتكرهيهم؟
ثالثا/ايه هو طموحك فى الحياه ومين هو شريك حياتك ال تتمنى يكون من نصيبك؟
رابعا/هل انتى راضية عن نفسك وبكل شى بتعمليه؟
خامسا/هل كل ال حواليكى راضيين عنك؟
سادسا/هل كانت لكى قصة حب قبل كدة؟
سابعا/وسؤال مهههههههههم جدا لما تخلصى الاجابة على اسئلتى هتكونى حاسة ايه من نحيتى؟
ثامنا واخيرا/كفااااااااااااااااية عليكى كدة اليوم

حبيبتك المخلصة طمطم

وحشينى يا جيم فينك من زمان
ومرسى على الاسئلة الصغنونة دى

الاول : عاوزه اعرف مين اعز اصدقائك ؟ ولو فى يوم اكتشفتى انها بتخونك تعملى ايه ؟
انا اعز اصدقائى اسمها نورهان دى صاحبتى من يوم ما اتولدت كنا جيران ولسة صاحبتى لغاية دلوقتى
بتهيالى هى مش ممكن تخونى خالص ولو عملت حاجة تزعلنى هناقشها واعرف عملت كدة ليه لكن مش هقدر أبعد عنها
التانى : اوصفى احلى يوم فى حياتك ؟ وبالتفصيل
أحلى يوم فى حياتى لما جبت مجموع كبير فى 3 ثانوى أنا مكنتش مصدقة خالص وكنت بعيط من الفرحة وقعدت اجرى فى الشقة كلها..شفتى الهبل.. وكمان مانمتش خالص فى اليوم ده

ومرسى يا حبيبتى على أسئلتك الخفيفة

الاول/ ايه اكتر شخصيه بتكرهى تتعملى معاها وايه اكتر شخصيه تحبيها من اول تعامل ؟؟
مش بحب أتعامل مع الشخصية المتكبرة أو المغرورة
وبحب الشخصية المرحة المتواضعة الحبوبة الاجتماعية
الثانى /مين الانسان او الانسانه الى قريب منك وبتحكيله على كل حاجه حتى لو كانت غلط؟؟
بصى يا ستى..أنا من النوع الكتوم شوية يعنى لو حاجة حصلتلى أو شاغلنى حاجة أو زعلانة من حاجة مش بعرف أحكى لحد عنها حتى أقرب أصدقائى بس ده غصب عنى يمكن عشان بتكسف شوية بس انا عارفة ان دى صفة وحشة فيا ويارب أقدر أغيرها بس ماما الوحيدة هى اللى بتعرف ايه جوايا من غير ما أقول
الثالث / مين هو مثلك الاعلى الى نفسك تبقى زيه؟؟؟
على فكرة أنا جاوبت السؤال ده فوق بس يلا أجاوبه تانى عشان خاطرك
مثلى الأعلى هو بابا
الرابع/ ايه اكبر حلم حلمتى بيه واتحققلك ؟؟؟
انى أجيب مجموع كبير فى 3 ثانوى

ومرسى يا شهودة على الأسئلة السهلة دى [ندعوك للتسجيل في المنتدى أو التعريف بنفسك لمعاينة هذه الصورة]

مش عاوز ابقى تقيل اسالتى خفيفة خالص:
1- ماذا تعنى لك الحياة؟
2- لو معاكى مصباح علاء الدين .............هتتمنى ايه؟
3- بتحبى الراديو ولا التلفاز اكثر؟
4- لو كنت ولد من من صحباتك تحبيها وتتزوجيها وليه؟

فين الاجوبه على اسئلة اسلام
وانا اسئلتى سهله جدا جدا
الاول الريف المصرى بيمثلك ايه والحضر بيمثلك ايه؟
الثانى اكتر ماده بتحبيها فى القسم بتاعنا فى الكليه غير مادة الدكتور حمدى؟
الثالث مبسوطه فى الكليه ولا ايه ؟
الرابع والاخير احسن الكليه ولا ايام الثانوى؟

أولا / أسئلة اسلام

1- ماذا تعنى لك الحياة؟
ممر للحياة الأبدية
2- لو معاكى مصباح علاء الدين .............هتتمنى ايه؟
أتمنى أكون طويييييييلة أوى قد النخلة كدة ههههههه
3- بتحبى الراديو ولا التلفاز اكثر؟
التليفزيون أكتر لأن فيه برامج معينة بحبها
لكن الراديو ما أعرفش فيه غير اذاعة القرآن الكريم
4- لو كنت ولد من من صحباتك تحبيها وتتزوجيها وليه؟
حلو أوى السؤال ده أول مرة أجرب انى أكون ولد
لو كنت ولد كنت هحب (عفاف) صاحبتى عشان هى قريبة منى و برتاحلها اوى ولما بتكلم معاها بحس انى بتكلم مع نفسى وكمان هى طيبة و محترمة و دمها خفيف و كل حاجة حلوة

ومرسى على الأسئلة الصغيرة بجد انتو طلعتو طيبين معايا اوى

ثانيا / أسئلة اتش المصرى


الاول الريف المصرى بيمثلك ايه والحضر بيمثلك ايه؟
الريف: طبيعة وجمال ونقاء وترابط
الحضر: تطور وتمدين وتحور فى الطبيعة البشرية و فراغ اجتماعى
الثانى اكتر ماده بتحبيها فى القسم بتاعنا فى الكليه غير مادة الدكتور حمدى؟
بحب مادة الاستماع والمحادثة د/أسماء
الثالث مبسوطه فى الكليه ولا ايه ؟
بصراحة لا مش حابة الكلية خالص مش عارفة ليه
يمكن بعد كدة أحبها
الرابع والاخير احسن الكليه ولا ايام الثانوى؟
ايام الثانوى أحلى فى كل حاجة طبعا
كانت المذاكرة سهلة أسهل من الكلية بكتير وكان معايا كل أصحابى اللى بحبهم ومكنتش بتحمل مسئولية زى دلوقتى
يارب أيام الثانوى ترجع تانى

ومرسى على أسئلتك اتش الحمد لله كانت سهلة