من الرئيس حسني مبارك الى شعب مصر

عدد المساهمات : 459

شعر /
أحمد فؤاد نجم

ياشعبي حبيبي ياروحي يابيبي
ياحاطك في جيبي يابن الحلال

ياشعبي ياشاطر ياجابر خواطر
ياساكن مقابر وصابر وعال

ياواكل سمومك يابايع هدومك
ياحامل همومك وشايل جبال

ياشعبي اللي نايم وسارح وهايم
وفي الفقر عايم وحاله ده حال

احبك محشش مفرفش مطنش
ودايخ مدروخ وآخر انسطال

احبك مكبّر دماغك مخدّر
ممشي امورك كده باتكال

واحب اللي ينصب واحب اللي يكدب
واحب اللي ينهب ويسرق تلال

واحب اللي شايف وعارف
وخايف وبالع لسانه وكاتم ماقال

واحب اللي قافل عيونه المغفل
واحب البهايم واحب البغال

واحب اللي راضي واحب اللي فاضي
واحب اللي عايز يربي العيال

واحب اللي يائس واحب اللي بائس
واحب اللي محبط وشايف محال

واحبك تسافر وتبعد تهاجر
وتبعت فلوسك دولار او ريال

واحبك تطبل تهلل تهبل
عشان مطش كوره وفيلم ومقال

واحبك تأيد تعضض تمجد
توافق تنافق وتلحس نعال

تحضر نشادر تجمع كوادر
تلمع تقمع تظبط مجال

لكن لو تفكر تخطط تقرر
تشغلي مخك وتفتح جدال

وتبدأ تشاكل وتعمل مشاكل
وتنكش مسائل وتسأل سؤال

وعايز تنور وعايز تطور
وتعمللي روحك مفرد رجال

ساعتها حجيبك لايمكن اسيبك
وراح تبقى عبره وتصبح مثال

حبهدل جنابك وأذل اللي جابك
وحيكون عذابك ده فوق الاحتمال

وامرمط سعادتك واهزأ سيادتك
واخلي كرامتك في حالة هزال

وتلبس قضيه وتصبح رزيه
وباقي حياتك تعيش في انعزال

حتقبل ححبك حترفض حلبك

حتطلع حتنزل حجيبلك جمااااال

للاسف منقول .. ومن منتدى تابع لدول الخليج
الكلام عن نفسي مقتنع بية ومع اللى كتبة في كل حرف قبل كل كلمة
لكن ماكنتش احب ابدا حد يكتب كدا عن بلدي
انا ممكن اقول زى مانا عايز .. انا او انتوا .. لكن حد غريب .. اعتقد
لالالالالالالالالالالالالالالالالالالا

ودة كان رد واحدة من الاعضاء على التوبيك وبصراحة احترمت ردها ورايها جدا

والله قتيبة .. ( كاتب الموضوع )

الله يعين كل شعب

وكل بلد

ما بس مصر

الكل بعاني

شكرا الك

**Butterfly** عدد المساهمات : 1237

فعلا حاجة مؤسفة لكن الكلام معبر جدا ودى الحقيقة
[ندعوك للتسجيل في المنتدى أو التعريف بنفسك لمعاينة هذه الصورة]

**Mr:Manager** عدد المساهمات : 3442

للأسف حقيقه مررررررررررررررره جداااااااااا ومؤلمـه بس ميصحش نقول كده على دولتنا وعلى رئيسنا مهما حصل
بل نحاول نغير من نفسنا ومن نظامنا ونحاول اكتر من مره منيأسش من اول مره
للأسف ميشرفش اى مصـرى كلام زى ده يتقال عليه

**Romantic** عدد المساهمات : 870

وعلى فكرة الدول العربية كلها المصريين دول بالنسبه ليهم خداممين وبالرغم من اننا بنتفوق عليهم بحاجات كتير
بس احنا ال بنرضى بالهوان
بالنسبة للعرب كلهم بنخضع للغرب نظرا لقوتهم المادية والعسكرية

عدد المساهمات : 459

SEMSEM كتب:

للأسف حقيقه مررررررررررررررره جداااااااااا ومؤلمـه بس ميصحش نقول كده على دولتنا وعلى رئيسنا مهما حصل
بل نحاول نغير من نفسنا ومن نظامنا ونحاول اكتر من مره منيأسش من اول مره
للأسف ميشرفش اى مصـرى كلام زى ده يتقال عليه

كلام جميل يااس .. لكن

اولا مش انا اللى كتبت الكلام دة .. لكن اتفق معاة تماما لان دى حقيقة واجب عدم انكارها

ثانيا انا مقولتش حاجة عن دولتنا .. الدولة مش بتسرق نفسها ولا بتاخر نفسها ولا بتلوث نفسها .. الى اخر ذلك .. انا بتكلم ع الادارة اللى بتدير البلد .. ومش هتكلم ع الريس .. اللى في القلب ف القلب

ثالثا .. بالنسبة لنغير من انفسنا .. كلام جميل بس على اى اساس .. اقدر اقولك ان معظم شباب مصر من اكتر الشباب الطموحين في العالم كلة .. ونفسهم يعملوا حاجات كتير تفيد البلد وتفيدهم وتعود عليهم بالنفع لكن للاسف كل ماييجوا يعملوا حاجة يلاقوها وقفت في وشهم .. بسبب اية ؟ الادارة المصرية الجميلة .. بتعرف ازاى تحبط اى واحد عندة احلام وطموح يتمنى يحققها .. هتقولى حاول مرة واتنين وتلاتة .. هقولك اللى قبلنا حاولوا واللى قبلهم واللى قبلهم
عارف كمان .. احنا ممكن نقول على اى دولة اوروبية انها نضيفة .. لان الناس مش بيرموا فضلاتهم فيها .. وبنقول عليهم متحضرين .. لكن لا .. الناس دى حالها متظبطش اوى كدا الا بالادارة بتاعتهم .. هترمى ف الشارع هتدفع غرامة .. اعمل كدا في مصر وطبف الغرامة على كام واحد وشوف هنبقي عاملين ازاى .. اذا الكلام هنا مش منطقي

بالنسبة ل اننا نغير نظامنا .. وبلاش ياس وبتاع .. انسي .. كان اتغير من 24 سنة بعد انتهاء اول فترة حكم للرئيس مبارك .. النظام بالذات في مصر محدش يقدر يغيرة .. عارف مين يقدر ربنا .. قول يارب

واخيرا .. بالنسبة ل ان الكلام ميشرفش اى مصري انة يتقال علية .. اكيد طبعا معاك حق .. وانا كاتب كدا كمان في التوبيك

نورتنى ياسمسم .. واسف طولت عليك

وشكرا لمرورك الجميل يازهرة .. نورتى التوبيك

**Romantic** عدد المساهمات : 870

انا متوافقة مع كلامك بالظبط ده حتى علمائنا الغرب بيشتروهم يعنى بالعربى كدة علمائنا مصريين الجنسية ولكن ولائهم لبرة مصر يعنى مش بيعملوا حاجة لبلدهم
وعلى فكرة سياسة مصر دى رغبة امريكية ليست سياسة ابناء مصر لان من وجهم نظر الغرب لو دولة ذى مصر تحضرت وقويت ارادتها ممكن تقدر تحرك شعرب العالم العربى ضدهم لان مصر قلب (****)العالم العربى

عدد المساهمات : 459

salma كتب:: وعلى فكرة الدول العربية كلها المصريين دول بالنسبه ليهم خداممين وبالرغم من اننا بنتفوق عليهم بحاجات كتير
بس احنا ال بنرضى بالهوان
بالنسبة للعرب كلهم بنخضع للغرب نظرا لقوتهم المادية والعسكرية

كلام سليم .. وفعلا معظم العرب بيشوفونا كدا
شكرا لمرورك .. نورتى التوبيك

عدد المساهمات : 459

salma كتب:: انا متوافقة مع كلامك بالظبط ده حتى علمائنا الغرب بيشتروهم يعنى بالعربى كدة علمائنا مصريين الجنسية ولكن ولائهم لبرة مصر يعنى مش بيعملوا حاجة لبلدهم
وعلى فكرة سياسة مصر دى رغبة امريكية ليست سياسة ابناء مصر لان من وجهم نظر الغرب لو دولة ذى مصر تحضرت وقويت ارادتها ممكن تقدر تحرك شعرب العالم العربى ضدهم لان مصر قلب (****)العالم العربى

طبعا كلام سليم

لكن العلماء مش عليهم حرج .. لو الدولة وفرت ليهم المناخ اللى يقدروا يشتغلوا فية وقدرتهم زى مادول الغرب بتعمل خاصتا امريكا هيقعدوا .. لكن احنا بنطلع علماء ومفكرين ونصدر لامريكا ودول اوروبا .. وللاسف.. مجانا

وفعلا مصر لو بقت متحضرة واخدت بسبل التقدم وخطت فية .. العالم العربي كلة هيتغير .. ودة مش في مصلحة الغرب

**Romantic** عدد المساهمات : 870

وكمان كنت عاوزة اوضح ملحوظة
اولا/سياسة التعليم تعتقدوا انها تخرج جيل يحب مصر او تجعله ان يكون طالب شاطر بصراحة مش عارفة اعبر
ثانيا/السياسة الخارجية دخلت فى التعليم بان مادة الدين اختيارى يعنى ممكن متذاكرش ده على اساس اننا علماء فى الدين
ثالثا/التعليم كله حشو مش بنطلع بحاجة مفيدة وبعد الامتحان بنكون عاوزين ننسى القرف ال احنا ذاكرناه
معلش طولت عليكم

» أسرار مؤامرة الدول العظمي لفوز بوكوفا علي فاروق حسني في اليونسكو
» خلال قمة مبارك - ساركوزي.. غداً
» مبارك يستقبل مديرة اليونسكو الجديدة
» بعض صور للفقيد محمد علاء مبارك ((ان لله وانا اليه راجعون))
» نظيف : مبارك والقذافي حريصان علي دعم العلاقات المصرية الليبية