The Gem
The Queen
عدد المساهمات : 2085
 
 |  موضوع: A Doctor !!!  الإثنين أبريل 19, 2010 10:01 pm | |
|
وناس واقفه بتتريأ ومبسوطه
وناس تانيه بتستغرب ومنقوطه ليه الدكتور
نسي الفوطه
و هو يا عيني كان واقف ووشه أحمر ولا القوطه
و قال ياجــــــــماعه سامحوني .... وقبل ما تيــــــجوا تلوموني
تعالــــــوا أحكيلكوا أنا حكايتي ..... وبعديها إبقوا حـــــــاكموني
سنــــين فــــاتت في ثانــــــويه ..... كفاح دامي وعــرق ودموع
وبعد المعركـــــــــه الحــــاميه ..... قدرت أنجح وأجيب مجــموع
أخيراً حلمنـــــــــــــــــا إتحقق ..... هخش الطـــــــــب وأدّكــــتر
رســـــــــــاله جميله ومعـــاها ...... مقام عالي وفلوس أكـــــتر
و جاتلي بطاقة الترشيــــــــح ...... فيها الطب اللي بحـــلم بيه
بتاع البوسته جابهــــــــــــالي ...... وخدله حلاوه عشـــرة جنيه
في أول يوم لـــــــبست جديد ...... وشلت البالطو رحـت لاقيت
زمايلي إتحــشروا في مــدرج ...... عامل ولا عـــــــلبة الكبريت
ولكــن برضه مايئستش
دخل دكتور قعد يشــــــــــرح ....... كلام كــــان صعب ولاتيني
و أنا متنـــح ومـــش فــــــاهم ...... لاقيت النـــــوم غلب عيني
و لسّه أنا برضه مايئستش
و قلت مادام ضــــاع النظري ...... هظبّــط نفسي في العملي
جريت عـ المشـــرحه بسرعه ...... لكن كالـــــــعاده خاب أملي
دخلـــــت لاقـــيت 200واحد ....... بيتخــــــــانقم على الجــــــثه
وناس واقــــفه من الزحمه ...... على كتافـي ومــــــش حاسه
و لسّه أنا برضه مايئستش
و طبــــــعاً حسّوا بظــــروفنا ...... وحطّولنا إمتــــــحان فوازير
وكل أمّا آجي أحـل ســــؤال ....... أقف أدامــــــه زي الـــــزير
و لسّه أنا برضه مايئستش
وجينا في لجنة الشـفوي ....... وكان أدّامي واد كــــــــــــوسه
خدالfull mark مـ الدكتــور ....... وخد فوقهـــــــم كــمان بوسه
و لسّه أنا برضه مايئستش
دخــــلت انا قام مكــــشرلي ..... كإن أنـــــا مش human race
سألني سؤال ماردّيتشي ..... وقاللي أخرج يا hopeless case
ولسه أنا برضه ما يئستش
سنه بتمشـي وســنه بتيجي ..... مقـــالـــب بعــدها مقـــــالب
زمايلي إتعينوا و قبـــــــضوا ....... و أنا شايـــــل لــــــقب طالب
و لسّه أنا برضه مايئستش
كبـــــرنا شـــويه وقـــالولنا ....... خلاص دلوقتي شوفوا حالات
و رحنــــــا نشوف وكالعاده ........ دا كله بيطلع إشتــــــــغالات
و لسّه أنا برضه مايئستش
بشوف الشاب من ســـــني ........ واقـــــــف ويّا البنات مرتاح
و لــــو عديـــــت أنا يقولــوا ........ راح الدحّـــاح ...جه الدحّـــاح
و لسّه أنا برضه مايئستش
لحد ماخلصم السبـــــــعه ........ وقلت خلاص هروق وهعيش
وقبل ما أفوق من الصدمه ....... خدوني عشان أخش الجيش
و لسّه أنا برضه مايئستش
وقعت هناك في إيــــد ظابط ........ ظغرلي وقال يابســــكوته
أحب أبــــشرك إنك معــــــايا ......... هتطـــــــفح الكوتـــــــــــه
و لسّه أنا برضه مايئستش
خلااص السبعه بقوا عشرة ...... ولسه أنا ماشي جنـب الحيط
و بان السن علـــــى وشي ...... و شعري إبيــــــّض و إصلعيت
و لسّه أنا برضه مايئستش
وبعد ما قـــــلت كــــــفاره ........ خلاص هرتاحلى بقى كام يوم
لاقيتهم تـــــانــي واخدنّي ....... عشان تكليــــفي في السلوم
و لسّه أنا برضه مايئستش
و قلت هنــاك هآخد قرشين ........ آكل منهم و أجيــــب لبسي
فوجئـــــت يا عيني بمرتب ....... يادوب مايقضـــنيش شيبسي
و لسّه أنا برضه مايئستش
و بعد الـــعمر دا كــــــــــله ....... رمــــــوني في وحـــده صحية
نسيت الطب أنا فيـــــــها ........ وبقــــــــــــيت زي التمرجيـــــه
و لسّه أنا برضه مايئستش
و آديني بعيش وهعمل أيـه؟؟...... ماليـــــــش ولا قوه ولا حولا
وحيد غلبان وحتى مافـــيش ........ جـــواز علـــى نفــقة الدوله
و لسّه أنا برضه مايئستش
قام الدكتور صعب عـ الناس ....... و فــــضلم يـــبكوا على حاله
و حتى الفوطة نســــــيوها ....... ولموا فلـــــــوس وسابوهاله
و قال دكتورنا عـ الفوطــــه ........ تعــــــالوا هشـــــيلها أنا بكرة
لكن اهل المريض قالــــــوا ........ خلاص سيبهالنـــا للذكـــــرى
****************************
| |
|
