سعديه وميدو..........(متجدد).......!!!

**New (F)** عدد المساهمات : 80

[center]النهاردة هنتابع مسلسل جامد جدا اسمه سعدية وميدو (متجدد يوميا)|||||||انا النهاردة هاحط الحلقتين دول ولما اشوف ردودكم الحلوة هنزل الحلقات التانية......ياللا نبدا؟ ياللا نبدأ....

قصه البت سعديه الصعيديه الى جالها التنسيق فى جامعه القاهره وسافرت عند عمها علشان تدرس
وقابلت بقى ميدو وحصلت اجمل قصه تعالوا نشوف

***شخصيات القصه***

سعديه وميدو

جنى صديقه ميدو

ندى صديقه سعديه

***الحلقه الاولى***

جه جواب التنسيق لسعديه وفتحت الجواب لقت جامعه القاهره
سعديه : يا دى اليوم لاسود انهرده يادى النيله
ام سعديه : ايه يابتى مالك
سعديه : الحجى يامه جواب التنسيج جه القاهره
ام سعديه : وماله يابتى عمك هناك روحى عند عمك
سعديه : انا مش بطيج مرته دى الى عامله زى ام اربعه واربعين
ام سعديه :معلش يابتى ايام وجضيها وخلاص
سعديه :امرى لله انا عارفه حظى اسود من يومه
هروح وخلاص
وجه معاد السفر
ركبت سعديه القطر وفى طريقها للقاهره
سعديه : يا سوادى هى السكه مالها طويله جوى ليه كده يا مهون هون علشان انا زهجت ومليت من الجعده دى
وصلت سعديه وراحت عند عمها خبطت على الباب فتحت مرات عمها
سعديه : اهلا يا مرت عمى
مرات عمها : مين سعديه
سعديه : ايوه سعديه امال هيكون عفريتها ولا ايه
مرات عمها : ازيك يا بنتى منوره
عمها يجري على الباب و يقول مين سعدية ازيك يا بتى واللي في البلدعاملين ايه
سعديه : طيب مش تدخلونى وبعدين تسلموا ولا هنجضيها سلامات من على الباب الشنطه خلعت كتفى
عمها : ادخلى يا بنتى اهلا وسهلا
ورحبوا بيها وسلمت على عمها واولاده
وتانى يوم كان الدراسه
صحيت بقى سعديه واستعدت وراحت على الجامعه مع عمها لانها متعرفش السكه دى اول مره هتروح فيها
وصلها عمها وشرحلها الطريق
دخلت سعديه الجامعه
لقت بنات بقى وشباب استايل اوى
اول مره تشوف كده
سعديه : وى وى وى وى وى يا بوى
ايه الى البنات عاملينه فى نفسهم ده
المحزج والملزج وايه الالوان الى فى شعرهم دى
استغفر الله العظيم يا ربى
والولاد مالهم كده مطولين شعرهم وموجفينه زى ما يكونوا مكهربين
دول ما يجلوش حاده عن البنات
عشنا وشفنا وانا مالى انا الحج بجى محاضراتى
ودخلت بقى سعديه قاعه المحاضرات
بتدور على مكان تقعد فيه
سعديه : ايوووووووووه يا ولاد ايه الى بيحصل ده
الاولاد جمب البنات كده وملزجين فى بعض
انا هجعد زيهم كده لا والله لا يمكن ابدا
انا هفضل واجفه احسن
دخل الدكتور لقى كل الناس اعده الا هى
بيقلها يا بنتى اعدى
سعديه : اجعد ازاى يا دكتور جمب الولاد كده عادى لا والله ما يحصل ولا يكون
الدكتور:ههههههه اعدى جمب اى بنت
طيب اى حد يا بنات يقعدها جمبه
وحده من البنات قالتلها تعالى هنا جمبى
اعدت سعديه واتعرفت عليها انتى اسمك ايه قالتلها اسمى ندى وانتى قالتلها سعديه المهم بعد ما خلصت المحاضره اتعرفوا على بعض وبقوا صحاب اوى
وخلص اليوم وخلصت المحاضرات وجه معاد انها تمشى لبيت عمها
خرجت سعديه هى وندى
وبعدين
تاااااااااااااااااااااابع
فى الحلقه الجايه
***منقول ياجماعه للامانه***

**Mr:Manager** عدد المساهمات : 3442

هههههههههههههههههه احلى حاجه وهى بتركب القطر وبتقول يا سواااادى ههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

**New (F)** عدد المساهمات : 80

ميرسى على مرورك ياخ اسلام نورت التوبيك بوجودك

**Moderator (M)** عدد المساهمات : 632

من الواضح إن ندي هتظبطها ع الآخر .

**New (F)** عدد المساهمات : 80

ميرسى لمروركmajeco نورت التوبيك

وتابع بقيت الحلقات عشان تعرف اللى هيحصل

**New (F)** عدد المساهمات : 80

***الحلقة التانية***

تانى يوم راحت بقى سعديه على الجامعه
اول اما خلصت اول محاضره
سعديه : يا ندى انا جعانه جوى تعالى نجيب اى حاجه ناكولها
ندى: خلاص تعالى يا سعديه نروح كافتريا الكليه
سعديه : لا دى كولها مليانه شباب ياختى انا مش هروح هناك
ندى : لا تعالى بس احنا ملناش دعوه بحد هناك
سعديه : طيب يلا اما نشوف
راحت سعديه وندى الكافتريا و اول اما اعدوا كان اعد قصادهم مين عمنا ميدو بقى
ميدو اول اما شاف سعديه اعد يضحك بقى بصوت عالى
سعديه بصتله بقرف اوى وقالت
هوه ماله الواد ده الى شبه الديك الازعر بيضحك ليه كده
ندى : احنا مالنا يا سعديه هوه بيضحك وخلاص
سعديه : ليه يا بت شايفنا ارجوزات جودامه ده واد حيوان وعايز يتهزج
ندى : بصى احنا ناكل ونمشى من هنا
سعديه : طيب احسن بردو انا جولتلك بيومك لاسود ده انا مش هاجى الكافتريا دى
خلصوا اكل ودخلوا قاعه المحاضرات
واعدوا دخل طبعا وراهم الاستاذ الفاضل ميدو وكانت معاه وحده صحبته
وشاف سعديه بردو واعد يشاور عليها ويضحك
سعديه اتنرفزت اوى طبعا والعرق الصعيدى طلع
سعديه : بصى يا بت يا ندى بيعمل ايه الواد ده بيضحك تانى
قالتة ندى
انت حضرتك بتضحك ليه
ميدو : ههههههههههههه لا ولا حاجه يا انسه ههههههه
سعدية : فرحان جوى وانت فاتح خشمك كده جاتك نيله عليك وعلى بوزك الفجرى
ميدو : وليه الغلط يا ااااااااا؟
سعديه : يا اااااااا ايه ما تنطج
ميدو : يا حجه هههههههه
سعديه : تعرف انك مش محترم وعيل جليل ادب وعايز تتربى
ميدو: انتى انتى انتى تربينى انا
وطبعا الاستاذ ميدو بيستفزها بمياعته وبالحركات الى بيعملها
ندى : طيب ممكن اعرف بتضحك ليه
ميدو: انتى مش شايفه جمبك تحفه فنيه بجد ههههههه
reen[color=green]]سعديه : تحفه فنيه ما تحطنى فى متحف الشمع يا خوى
انا تحفه وانت تيجى ايه بشعرك الى مكهربه ده وبنطلونك الى هيوجع منك ارفع بنطلونك وبعدين اتكلم
ميدو طبعا مش معاه غير انه يضحك هوه وصحبته
سعديه : يلا يا ولاا انت خد الفرخه بتاعتك دى وغور من هنا اتكشح يلا
ميدو : دى فرخه دى جنا صحبتى
سعديه : جنا ولا عفريت وانا مالى غور احسن افرج عليك الجامعه كلها
ميدو : انا مش هرد عليكى انتى مش من مستوايا
سعديه : مستوى مين يا بو مستوى انت يا حوساله وعره الشباب كمان ولو شفت وشك هنا هضربك بالبولغه
ندى : خلاص يا سعديه هوه فعلا مش محترم بس انتى بردو نرفزتية
سعديه : انتى مش شايفه حيلت امه بيعمل ايه
ندى : معلش
المهم ندى هدت سعديه وخلصوا محضراتهم ورواحوا
وانتظرونا الحلقه الى جايه

هنكمل لما اشوف ردودكم الحلوة

**Moderator (M)** عدد المساهمات : 632

هههههههههههههههههههههههههههههههههههههههه
جميله والله يا جميل
بس إنتي متأكده إن هيه لابسه بلغه .

[ندعوك للتسجيل في المنتدى أو التعريف بنفسك لمعاينة هذه الصورة]

**New (F)** عدد المساهمات : 80

ههههههههههههههههه
لاو الله مشوفتهاش عشان اقولك لما اشوفها ابقى اسألها

**Permanent Presence** عدد المساهمات : 204

جميييييييييييييييل جداااااااا
متتاخريش بقي منتظرين الجديد

**New (F)** عدد المساهمات : 80

منورانى سامورا..........تابعى معايا بقى بقيت الحلقات

**New (F)** عدد المساهمات : 80

***الحلقة التالتة***

بعد اما خرجت سعديه من الجامعه علشان تروح
خرج وراها طبعا عمنا ميدو هوه وجنى صحبته بالعربيه بتاعته
واعد يرخم عليها ويدايقها
سعدية: انت يا واد احترم نفسك وامشى بعيد عن هنا بدل ماخلى يومك اسود
ميدو : بجد انا مش هسيبك انهرده هوه الضحك عليكى انهرده هخليكى تحرمى تكلمينى باسلوب مش كويس يا انتى
سعدية: والله انت شكلك كده جبته لنفسك فى يومك الجوتران ده ونويت تحجز لنفسك سرير ونفر زيادة فى المستشفى
جنى : الحق يا ميدو دى بتقول هتدخلك انت المستشفى
سعدية: دى ومالها دى ياعين تيزه والنعمه شكلك هتتجطع انهرده انت والدزمه الى معاك دى
سعدية: الحجونى يا ناس الولا ده بيتحرش بيا وبيجولى كلام جلت ادب وخدش حيائى الحجوووووووووووووونى

طبعا سعدية اعدت تصوت والناس اتلمت عليها وضربوا ميدو ادوله علقة سخنة وجنى كل اللى بتعملة عماله تصوت

جنى: يا وحوش حرام عليكوا هوه مش قدكوا
سعدية : مش جدهم علشان يحرم تانى مره
كده هوه اتعلم الادب

ومشيت سعدية وجنى اتصلت بالاسعاف جم خدوا ميدو بعد اما روحت سعدية عند بيت عمها
مرات عمها فتحتلها الباب بتقلها ازيك يا سعدية طبعا مش ردت عليها ودخلت وهى بتقول كلام كدة مش مفهوم

( انا كان مالى ومال البلد بت الدزمه دى شكلى كده هتبجى وجعتى سوده ما انا كنت فى بلدى وجاعده كويسه بس بردو مش فشيت غليلى اةةةةةةةةةة يا بوى )
مرات عمها دخلت قالت لعمها بقى
عمها راح لسعديه
عمها : مالك يا بنتى مرات عمك بتقول انك مدايقه
سعدية : ماليش ياعمى ( فى سرها طبعا بتقول : والنبى روح بعيد كده مش ناجصاك انت كمان وكمان مرتك لحجت توصلك لسانها مش بيتبل فيه فوله ربنا ياخدها )
عمها: لا بجد احكيلى يا بتى
سعدية :الولاد عندكوا ياعمى البنات ارجل منهم يا بوى واد ياعمى مش محترم جل ادبه عليه
عمها: ليه يا بتى انتى عملتيلوا ايه
سعدية : معملتلوش حاجه والله ( وحكت سعديه لعمها الى حصل )
عمها: طيب ليه يا بنتى كده ده تلاقى الشباب بهدلوه خالص
سعدية: احسن انا كمان مش فشيت غليلى انا كان نفسى امسكوا من شعره الى ماسكاه الكهربه ده واجصهوله خالص واعمل فى الناس جميله بادل ما تتازى من شكلوا العفش يا رب يكون مات علشان ارتاح من خلجته الفجريه

طبعا ميدو اعد فى المستشفى حوالى 15 يوم ومش بيجى الجامعة خالص وسعدية حكت لندى اللى حصل

ندى : على فكره يا سعديه هوه غلط بس مش لدرجه انك انتى تخلى الشباب يموتوه كده خالص
سعدية : استفزنى جوى يا ندى والله خلانى فجت اعصابى
ندى: خلاص بصى انتى تيجى معايا نروح نزوره فى المستشفى
ونعتزرله ونهدى الموضوع ونصلح الى حصل
سعدية : انتى حسستينى بالزنب انا خلاص هروح معاكى بس مش هعتزر.....انا هشوفه بس واطمن عليه
ندى : خلاص اوك هنروح انهرده بعد المحاضرات
سعديه : ماشى يا ستى

راحت ندى وسعدية المستشفي وجابوا ورد وهمه رايحين دخلت ندى عند ميدو وحدها وقالت ل سعدية خليكي انتى هنا اما اندهلك ادخلي

سعدية: بس خلى فى بالك يا بت انا مش جايه معاكى علشان اعتزرله علشان ضميرى بيوجعنى بس مش اكتر
دخلت ندى
ندى : (فى سرها طبعا: يا لهوى ده ميدو مكسر خالص يخرب بيتك يا سعديه
ايه الى عملتيه ده فى الولا)
ازيك يا ميدو عامل ايه
ميدو: اهلا يا ندى انا خلاص مبقتش انفع تانى صحبتك المتوحشه شوفى عملت فيا ايه

ندى :معلش يا ميدو انت نرفزتها وكمان انا عملالك مفجأه ( ادخل ياسمسم )

ودخللت سعديه وتحصل المفاجأه
ونشوفكوا الحلقه الجايه
تاااااااااااااااااااااااااااابع

**Appreciation** عدد المساهمات : 1201

انا عارفه المفاجأه
اكيد هاينط من الشباك
ويقعد يصوت الحقوني الحقوني
هههههههههههههههههههههههههههههههه
سوري جنه بس والله الموضوع جميل جدا وهاستني الحلقه الجايه
ماتتأخريش علينا بقي
[ندعوك للتسجيل في المنتدى أو التعريف بنفسك لمعاينة هذه الصورة]

**New (F)** عدد المساهمات : 80

ههههههههههههههههههه
مش عاوزه احرقلك المفاجأه تابعى معايا الحلقه الجايه وانتى تعرفى
منوراتى ياقمر

**New (F)** عدد المساهمات : 80

***الحلقه الرابعه***

بعد ما دخلت ندى وشافت ميدو مكسر خالص
ندهت على سعديه
ندى : ادخل يا سمسم
سعديه طبعا داخله وماسكه الورد وهى عامله نفسها غلبانه بقى ومكسوره ميدو شفها بقى وحصلت المفجأأأأأأأأأأأه
ميدو : يا ماااااااااااااااااااااااااامى الحقونى حوشوا المتوحشه دى خرجوها بره
صرخ طبعا كأن جاتله حاله صرع
سعدية : ايه يا واد انت مالك شفت عفريت ولا دينسور دخل عليك دول حتى اختفوا من زمان

ندى: اهدى يا ميدو مش كده دى جايه تعتزرلك
ميدو : لا مش عايز منها اعتزار ولا حاجه خرجوها
سعدية : انا جولتلك مش هاجى عند الواد الرمه دى بخلجته الملخبطه ده ولد امه ودزمه ومش راجل خالص

ندى: خلاص بقى انتوا الاتنين

هدت ندى الموقف واعدوا يتكلموا همه التلاته
دخلت بقى جنى

جنى : هاى ميدو ايه ده يا مامى ايه الى جاب دى هنا
سعدية : مالك ياختى اتخضيتى كدا ليه تفى فى عبك ولا اجيبلك طاسه الخضه

ميدو :هاى يا جنى دى سعديه وندى جم علشان نتصالح سوى وخلاص بقينا اصحاب
سعدية:يلا بجى يا ندى نمشى ما المثل بيجول اذا حضرت الشياطين ذهبت الملائكه واهى الشياطين جات

وهى خارجه زقت جنى وقعتها على الارض
وقالتها :غورى بخلجتك الوحشه دى
وبعد كم يوم خرج ميدو من المستشفى وراح الجامعه وطبعا اول اما شاف سعديه وندى راح سلم عليهم واعدوا يتكلموا وجات جنى

جنى : هاى شله فيه رحله مطلعاها الجامعه لشرم مين هيجى معانا
ميدو : كلنا طبعا جايين احجزيلنا معاكى كلنا
ندى : انا موافقه
سعدية : موافجه ايه روحوا لوحدكوا انا مش هروح مستحيل طبعا
ندى : ليه يا سعديه نغير جو كده كم يوم
سعدية : انسدى يا بت انتى واجفلى خشمك ده مش هروح جلتلك

طبعا كلهم مصرين ياخدوا سعديه وندى اتصلت بعمها علشان يقنعها

عمها: ماتروحى يا بنتى تغيرى جو كده مع صحابك
سعدية: فى سرها بتقول ( والله الراجل ده شكله عايز يخلص مانى ده شكله ما صدق يا سوادى علشان اريحه ليه انا مزهجاه للدرجه دى خلاص هروح وامرى لله ) خلاص ياعمى موافجه هروح
وبعد معاناه وافقت سعديه تروح الرحله
وفى يوم السفر حضرت بقى سعديه شنطتها
واتجمعوا هى وندى وجنى وميدو وباقى اصحابهم عند الجامعه وركبوا الاتوبيس
وبعدين
تااااااااااااااااااااااااابع
الحلقه الجاية

**Romantic** عدد المساهمات : 870

نايس توبيك ياجنة
لا تنسينا بجديدك

**Appreciation** عدد المساهمات : 1201

هههههههههههههههههههه
مش قولتلك هابفضل يصوت
اصل انا عارفه الشباب السيس دول
بجد هاستني الحلقه الجايه بفارغ الصبر
[ندعوك للتسجيل في المنتدى أو التعريف بنفسك لمعاينة هذه الصورة]

**New (F)** عدد المساهمات : 80

منورانى ياقمر بردك الجميل ده وانا مش هتأخر عليكى بالحلقه اللى بعدها

**Permanent Presence** عدد المساهمات : 204

جميييييييييييييييله روعه
متتاخريش بقي

**Appreciation** عدد المساهمات : 1201

فين الحلقه بقي
مستنياها من زمان