أنفلونزا الزعل (( ربنا يسترها معانا كلنا))

**Mr:Manager** عدد المساهمات : 3442

السلام عليكم ورحمة الله وبركاته

طبعا زى ما كلنا عارفين السنه البيضه بتبان من أولها [ندعوك للتسجيل في المنتدى أو التعريف بنفسك لمعاينة هذه الصورة] يعنى السنه دى ربنا يسترها معانا كلنا قولوا آميييييييييييييين

حكاية أنفلونزا الزعل بتاعت الدكاتره دى بقى مفروض متحلش علينا كلنا مش معنى ان
حد ضايق دكتور ان الدكتور ده يحلف انه يضيع الدفعه كلها

أنا ليا وجهة نظر فى الموضوع ده

نيجى مثلا على دكتور إسلام الصادى انا شايف انه من حقه يسقطنا كلنا بالواحد
ومحدش يعارضنى أقولكم السبب::

بكل بساطه الرجاله ملهمش اى ذنب لأن اى موبيل بيرن خصوصا فى محاضرة دكتور اسلام
بيكون بتاع واحده من البنات وانا مش بقول كده عشان يبقى معناها انى ضد البنات لا
والله أبدا وأكيد انا مش ضد كل البنات لأن مش كل موبايلاتهم بترن مره واحده انا بخص
بالذكر البنت اللى بتسيب موبيلها شغال ف المحاضره

يعنى احنا كلنا عارفين اننا ممكن نسيب الموبيل مفتوح عادى فى اى محاضره إلا
محاضرة دكتور اسلام لأنه بجد راجل محترم اذا كان هو صحيح بيقفل موبيله عشان ميعطلش
نفسه فى الشرح ولا يضيع وقتنا نقوم احنا نضايقه ونشغل الموبيلات؟؟؟؟؟
ياريت رسالتى تكون وصلت لأى حد موبيله رن فى المحاضره بتاعته ونحاول بقى نتعلم
وكفايه اللى عمله معانا الدكتور اسلام المحاضره اللى فاتت..

أما بقى دكتور سمير حسون فأنا شايف انه غلطان جداااااااااا ليه بقى ::

الوقتى انا فهمت انه كان مضايق عشان ناس لسه مش اشتروا الكتاب يعنى انا بسأل لأى
واحد ف الدفعه دلوقتى سؤال بسيط جدا او بوجه سؤالى لدكتور سمير نفسه
هل من الواجب عليا انا واحد من الى اشتروا الكتاب أروح أشترى كتب للناس اللى لسه
عشان أظهر بمظهر كويس للدكتور سمير ومسقطش؟؟؟؟
ياريت برضو تكون وجهة نظرى مفهومه ان المفروض ان ده شىء اللى اشتروا الكتاب
ملهمش ذنب فيه
وبجد مهما حصل أنا مؤمن جدا بإن دكتور سمير أحسن واطيب شخصيه ف قسم عربى وأرحم
من غيره مليارات المرات وده هنعرفه خلال السنتين الجايين باذن الله لما نشوف
غيره.

نيجى بقى على المشكله بتاعت دكتور حسنى لبده

هو عنده حق فى حكاية الغياب دى لأننا كتير اوى مش بنحضر محاضراته انا عن نفسى فى
سنه أولى محضرتلوش غير أول محاضره فى السنه واخر محاضره فى الترم التانى. لكن السنه
دى مش بفوت ولا محاضره غير مره كنت تعبان والله برضو جيت المره اللى فاتت وانا
تعبان برضو مع انى زى المعظم بخرج كما دخلت [ندعوك للتسجيل في المنتدى أو التعريف بنفسك لمعاينة هذه الصورة] لا أعلم شيئا وكأننى لم أكن فى المحاضره.

أما عن مشكلة الكرسى اللى دخل شاط فينا عليها علطول دى فدى برضو والعلم عند الله
ملناش ذنب فيها لأن دا مش مدرجنا أصلا ولا بندخله غير مره ف الأسبوع يبقى احنا
ازاااااااااااااااااااااااااااى ؟؟؟؟؟؟؟؟؟؟؟ سؤال يطرح نفسه

وأخيرا وبعد الكلام الكتيييييير ده اللى زمانكم زهقتوا وعاوزين تموتونى عليه
فأنا بقدم اعتذارى وبدعى ربنا معانا جميعا وسنه سعيد على الكل مع انى مش متفائل لما
سمعته من الدكاتره

والله المستعان

كان معكم سمسم سيف الدين من كلية الآداب جامعة المنصوره
و
قلب الأحداااااااااااث

[ندعوك للتسجيل في المنتدى أو التعريف بنفسك لمعاينة هذه الصورة]

**The Queen** عدد المساهمات : 2085

السلام عليكم و رحمة الله و بركاته

أنا حبيت أرد على الموضوع لأن فى أغلب الأوقات بعض الطلبه
هم الى بيزعلوا الدكاتره و يخلوهم يقلبوا على الكل بدون ذنب

أولا دكتور إسلام محترم جدا و الحاجه اللى بتضايقه فعلا الموبايل
و كنا بنعمله صامت فى محاضرته بس
لأن هو نفسه بيقفل موبايله يعنى حتى مش صامت

بس فى الآخر طيب جداااااااااااااااااااااااااا
و أقولكم على السر بقى
لو عيزين دكتور إسلام يكون راضى عنكم تمام الرضى
تقولوا لدكتور حمدى لأنهم توأم

أما دكتور سمير هو أحسن دكتور عربى أعطى لى محاضرا
سواء الشرح أو الأسئله و الإمتحان
و إن شاء الله هيجيبلكم الأسئله اللى ممكن يجيبها فى كل فرع من الماده

لكن دكتور حسنى مجلناش قبل كده

ربنا يوفقكم جمييييييييييييييييعا
قولوا آميييييييييييييييييين

آسفه جدااااااااااااا على الإطاله

**New (F)** عدد المساهمات : 10

ممكن اقول رأيى فى هذا الموضوع،لاني تقريبا اعرف عن د/اسلام مايريح القلب من التوتر حيث قالت لنا المعيدة ذات مرة ان د/اسلام طيب جدا وكريم جدا فى الدرجات ،بس الله اعلم هيفضل كده على طول ولا____!!!.

أما عن د/سمير ،فلي اصدقاء فى قسم عربي قالوا لي انه هيعطينا فى آخر محاضرة سؤالين هيكونوا فى الامتحان ان شاء الله ،والله اعلم ،وانا من رايى ان الشيت هيكون جزء من الامتحان ...

فاما عن د/حسنى ،فلا اعرف عنه شئ تحديدا ..........!!!

عموما مافى وسعنا شئ غير الدعاء لربنا الكريم

"انا لله وانا اليه راجعون".

**Mr:Manager** عدد المساهمات : 3442

انا عارف كل ده وعارف ان ممكن يكون تعصبهم ده كلام مش أكتر وخصوصا دكتور إسلام دا احسن واحد يصحح ويعطى تقديرات كمان بس المشكله اننا بس اللى بنرفزه وهو ليه حق فعلا فى اللى يعمله مهما كان لأننا كده بجد مش بنحترمه

يا جماعه ياريت نقفل الموبيلات ف المحاضره مش هنخسر حاجه

كمان دكتور سمير يا انسه بيعطى فى اخر محاضره 10 أسئله بيجى منهم ف الامتحان والشيت قال انه سؤال فى الامتحان المحاضره الماضيه

وفقنى الله وإياكم جميعا إلى ما فيه الخير والنجاح

SEMSEM

**New (F)** عدد المساهمات : 10

واضح انك متضايق جدا من هذا الموضوع ،ويمكن متضايق اكتر من الخسارة ،عموما عندك حق فى الناس اللى بتترك

موبايلها مفتوح فى المحاضرة وفى اى محاضرة ايضا فذلك تعطيل للدكتور وايضا شوشرة لينا ،انا عن نفسى اول ماادخل

المحاضرة بعمل الموبيل صامت ،وفى فعلا ناس مش بيهمها ،واذا كان عن د/سمير فانا لا اعرف عنه الكثير بل لا شئ

عموما انا آسفة،انا حبيت اخفف التوتر لأنه زايد جدا عندى لدرجة انى بدات ايأس من هذا الترم وياريت فعلا الناس اللى

كانت فاتحة موبايلها تكون قرات كل الكلام وتقفل الموبايل فى اى محاضرة

اسعد الله مساءكم...

**Excellence** عدد المساهمات : 467

ههههههههههههههههههههههههههههههههههههههه
بجد كلكم عندكم حق
والف شكر على اثاره الموضوع
اللى طبعا بقى موضوع النقاش دلوقتى
يعنى سبحان الله
دكتور حسنى حلف انه هيسقطنا
ودكتور سمير حلف انه هيشوطنا
ودكتور منى قاسم زعلت اخر محاضره
ودكتور بسمه
ولسه فاضل دكتور اسماء
ربنا يسهل
وربنا يوفقنا جميعا

**Moderator (M)** عدد المساهمات : 1522

والله ربنا معانا كلنا والحمدلله معظم داكترتنا لغاية دلوقتي ماشوناش منهم حاجة تخوف للدرجة الي هية وكل الي بنصح بيه كل بني آدم في دفعتنا ان احنا نكون كلنا مع بعض نحاول نوريهم الي هم عايزين يشوفوه مننا علشان ربنا يسهلها علينا ونخلص على خير

وبالتوفيق ان شاء الله لدفعتي ثانية انجليزي ولكل طالب في الدنيا

**New (F)** عدد المساهمات : 13

walahy l7ad nw el dacatra kolohom fola sham3a mnaawara
w rabna y3ena 3alehom
w de tab3an mogamla msh 7a2ee2a 5ales

» نكت على المشرفين..(ممنوع الزعل)
» دعوه عامه لاحتراف السرقه .. يا الله كلنا نسرق
» _ خمسة أشياء كلنا نريدها _ لو تريدها فعلا أدخل هنا
» دعاااااااااااوى تخلى ربنا يقف جنبنا وننجح ااااااااااااامين
» شوفوا لو نتوكل على ربنا صح إيه اللى بيحصل!!!!