بتذاكروا ازاى

**New (M)** عدد المساهمات : 174

انا كتبت الموضوع ده لانى حاسس انه ممكن كلنا نفيد بعض من خلاله الموضوع عباره عن موضوع عام محتاج لمشاركة ورد كل عضو من اعضاء المنتدى وهو ان كل واحد فينا( اسرة المنتدى )هيكتب طريقة للمذاكره سواء كانت طريقته الخاصه او الطريقه اللى هو شايف انها مثاليه وهتفيدنا ومحدش يفتكر ان لوحد قال طريقة مذاكرته انه خلاص مش هينجح تانى زى الاول لا بالعكس ممكن ده يكون دافع ليك انك تذاكر اكتر لانك هتكون عارف انك مش لوحدك بس اللى بتذاكر بنفس الطريقه واكيد فيه كتير مننا كان نفسه فى موضوع زى ده لان ناس كتير بتقولى انا مش عارف اذاكر ازاى او اعمل ايه والامتحانات على الابواب ساعات برد وساعات بكون مش عارف ارد واقول ايه بالضبط يا ريت الكل يشارك اتمنى ان الموضوع يكون زى مانا بتوقع

**Butterfly** عدد المساهمات : 1237

انا فعلا عندى مشكلة فى الموضوع ده ومش عارفة طريقة المذاكرة الصح ازاى عشان انا لسة فى اولى وكنت واخدة على طريقةالمذاكرة فى الثانوى لكن نظام الجامعة جديد عليا شوية ومحدش بيقولنا نعمل ايه او نذاكر ايه وكنت حسة فى الاول انى تايهة شوية لكن بدأت أركز شوية فى المحاضرات وبحاول أقرأها تانى فى البيت وأفهمها بس مش كلها وكنت بتفق مع واحدة صاحبتى نذاكر مع بعض عشان أستفيد منها وهى تستفيد منى لكن برده مش عارفة أقسم المواد ازاى وأذاكرها ازاى
ويارب تقدرو تفيدونى عشان انتو أكبر منى

» ازاى تحرقى دم ولد؟
» ازاى تطلع القمر (جاااااااااااااااااامد)
» شوف البنات بتاكل ازاى؟
» ازاى المراة نصف المجتمع
» (((((((الحياة بدون بنااااااااات))))))) تعالوا نشوف عاملة ازاى