الفرق بين كمبيوتر الولد وكمبيوتر البنت

**New (F)** عدد المساهمات : 249

اولا جهاز البنت ليدوز فروست

من النظرة الاولى من بعيد للشكل العام للجهاز
تلاقى
الجهاز نضيف ومرتب وحواليه دباديب او عرايس او لعبها وتلاقيها لازقة عليه
صور فراشات او صور رقيقة وقلوب وحجات كلها دلع ورقة وتلاقى كرسيها نضيف
وسليم وشكلة حلو ومحطوط بشكل صحيح ادام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة

تقلب فى الملفات تلاقى اسماء الملفات عندها جميلة زى

صور اطفال
صور فساتين
صور موضة
افلام رومانسية
اغانى عاطفية

تفتح الهيستورى بتاع الجهاز تلاقيها كانت مشغلة حجات زى

فيلم تيتانيك
مواقع نكت
مواقع موضة
قهوة كتكوت
اغنية تملى معاك
اغنية بهواك
مواقف كوميدية

تفتح الميل بتاعها تلاقيها حاطة نك نيم رقيق زى

بنوتة شقية
دلع
حبوبة
حب عمرى

لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش
تيجى تشم ريحه الجهاز تلاقى رحتة برفان جميل
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة
والجهاز بيقفل

-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

نخش على اجهزة التماسيح

من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة
تلاقى
الكيس مفتح من كل ناحية وفيها خروم غريبة ولو بصيت جواها تلاقى فيها حجات
ومواد غريبة غالبا ممكن تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى
كل ده وتبتدى الويندوز تفتح تسمع صوت نغمة الويندوز نغمة غريبة الجماعة
بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية
الى جاية من عالم غريب

تدخل تقلب فى الملفات تلاقى اسماء الملفات غريبة وعجيبة

حشحش
دحدح
بتنجانة
صور معيز
صور حوادث
مصارعة

و 70% من الملفات هتلاقيها تحت سلسلة اسماء

New Folde11
New Folde12
New Folde13
New Folde14
الى ما لا نهاية

تفتح الهيستورى بتاعه تلاقى اخر حجات شغلها زى

ساو 3
ديد سيلنت
اغنية البلح البلح
صور مصارعين

اسماء مواقع تخاف اصلا تخشها
نكت حشاشين

تفتح الميل بتاعه تلاقيه حاطط نك نيم يرعب البنات

الشيطان 10
البجح
سفاح المعيز
المحشش
كمبورة
عاشق الموت

لو دققت فى تاريخ تسطيب الويندوز ممكن تلاقيه مسطبها قبل متيجى بساعتين

طبعا ريحه الجهاز هتلاقيها شبة متور العربية المحروق
ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر شود داون

كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها
اما فلاشه الشباب
طالع عينها مكسوره ومن غير غطا اصلان وتحس ان قطار معدى عليها ومفرومه

</blockquote>

<blockquote class="signature restore">

[ندعوك للتسجيل في المنتدى أو التعريف بنفسك لمعاينة هذا الرابط]

</blockquote>

**New (F)** عدد المساهمات : 249

محدش يزعل منى طبعا مش كل الولاد كدة وبعدين بنات المنتدى جنبى ولا ايه

**New (M)** عدد المساهمات : 36

هههههههههههههههههههههههههههه وحياة ربنا انتى دمك زى العسل بجد موضوع جامد واكتر حاجة عجبانى النيك نيم بتاع سفاح المعيز دة [ندعوك للتسجيل في المنتدى أو التعريف بنفسك لمعاينة هذه الصورة]

**Moderator (M)** عدد المساهمات : 1522

ههههههههههههههههههههه
فعلا يا شيكو.. سفاح المعيز ده جميل بيتهيقلي ده جهاز بوحه السفاح.ز صبح صبح يا عم الحج
وممكن سفاح المعيز ده بيرمز للمثل الي بيقول"ماقدرش على الحمار , حه يتشطر على البردعه" والله تمام يا زينة

[ندعوك للتسجيل في المنتدى أو التعريف بنفسك لمعاينة هذه الصورة]

» ღ๑ஐ۩۞۩ஐ๑ღ الفرق بين كمبيوتر البنات وكمبيوتر الولاد ღ๑ஐ۩۞۩ஐ๑ღ
» الفرق بين البنت والولد
» الفرق بين البنت والولد
» لماذا يكون حب البنت اصدق من حب الشاب ؟؟؟؟؟؟
» تخيل نفسك كمبيوتر